我地既蜜月之旅下集 -- 馬爾代夫 
既相都整理好喇~~ 有password既朋友又可以click下面睇下.
今次既蜜月之旅真係好sweet好開心, 雖然有d唔係幾好既經歷 (俾人呃左US$200呢! 
), 但都係開心多過唔開心, 同埋都係part of我地既回憶... 仲有就係, 去到馬爾代夫先知道原來海都可以有咁多顏色, 真係靚到唔想返黎...
唔好講咁多, 睇相啦~~
(閱讀全文)擺完酒差不多一個月, 終於"的"起心肝整理番d相upload上網...
先講下感受... 回想擺酒前一星期開始放大假, 先可以全心咁預備, 上大陸買野, 租衫final fit, 揾image相, 揀首飾, confirm花球款, confirm 賓客名單, 同姊妹們夾rundown... 到前一日又要周圍拎衫拎花球; 又因為一d原因, 前一晚上頭攪到成兩點幾先訓, 當日朝早又要5:00am起身... 而家睇番d相先發覺自己原來當日早上塊面好腫呢! 
雖然係咁辛苦, 又全日都無點食過野 (夜晚都係食得兩塊乳豬呢...), 果日又有少少蝦碌, 但我同小龍龍都好開心, 果晚返到屋企仲興奮到睇番晒d video, 攪到淩晨4點先訓! 係度真係要好多謝我地d兄弟姊妹, 佢地當日真係好落力好辛苦, 全靠佢地當日先可以咁順利咁盡興! 我唔夠膽講我地既婚宴係十全十美, 但我同小龍龍都好滿意呀~~
而家擺完酒, 真真正正感受到: 我們結婚了... 
進入人生新階段, 當然要refresh一下. 呢度既background既music已經update左做我地片頭既歌, 呢首歌對我地好有意思, 希望大家都會鍾意! 
相片同video都放上網了, 有password既朋友請按下面感受我地既喜悅.
(閱讀全文)<2007年9月3日>
上去esd forum, 原來皇潮匯已經換左backdrop, 有姊妹post左第一手既相上去. Oh My God! 新backdrop既顏色竟然係香檳橙, 連reception都換左呢隻色! 同我租果d姊妹裙既顏色係一模一樣! 點算好?! 
就算backdrop d 顏色開左射燈可以淺d, 但係d姊妹一企埋個reception就同條裙一樣色... 個新backdrop仲要鬼咁plain!
好煩惱... 真係要去實地睇一敞, 睇下駛唔駛改租第二隻色既姊妹裙. 呢次真係俾皇潮匯玩謝... 
<2007年9月1日>
拎完副大眼con, 就同小龍龍&奶奶去左周生生睇金器. 其實奶奶一早睇中左條龍鳳鏈, 但我試完之後覺得個款唔係幾襯我; 反而另一條無咁重既果款好似modern d, 戴左之後直頭唔想除落黎... 真係好靚呀!!! 勁鍾意!!! 
連小龍龍&奶奶都話呢條襯我, 奶奶仲即刻買俾我.
條鏈咁靚梗係即刻拎番屋企俾阿媽睇, 一打開個盒, 阿媽已經即刻話: 靚呀! 真係好靚呀!
奶奶, 多謝你呀! 我真係好鍾意條鏈, 我應承你我一定會好好keep住佢, 唔會拎去融左佢!
<2007年8月25日>
距離我同小龍龍既大日子得番一個月多d, 真係要開行TURBO去準備.
今日去左金都, 先同小龍龍final confirm佢d禮服, 估唔到真係有新款返, 我親自揀左款比較閃同多details既黑禮服, 初時小龍龍好抗拒, 覺得好似好姣咁... 但一生人一次, 而家唔誇幾時誇. 嘩~~ 一著上身... 不得了!!! 套禮服勁fit, 小龍龍著左即刻變左成個英國gentleman咁! 連我睇到都流晒口水... 唔駛講即時轉呢件啦! 至於件銀白禮服實在已經好好, 所以無轉到!
食完個tea再去交相做片頭同confirm贈品. 原來而家牽情d攝影package已經唔包全日MTV精華, 好彩我早book咋! 
最後我地揀左原裝DV母帶, 相片加我地既英文名, 12R雜誌式相簿黎放我地當日既snapshot相, 佢地仲話可以放成百張! 
另外就用原本送既簽名簿換2張大既全家福相連框+uv, 阿媽同奶奶實鍾意je~~ 至於片頭就有4款揀, 我同小龍龍諗左好耐都唔知揀邊個好. 本來揀左個cyber feel d既, 但諗諗下又好似唔係幾襯我地首歌, 最後都係揀左個比較cartoon feel d既. 我同小龍龍都覺得好特別, 起碼so far去飲咁多次都未見過, 希望到時d賓客既反應都ok啦~~
跟住再踩落旺角諗住幫小龍龍買皮鞋, 但可惜睇唔岩... 最後只係買左件白恤衫...
今日真係好充實呀~~ 
我地既籌備工夫已經進入大直路, 要努力呀!!! 
咁都好, 起碼証明我無揀錯日子啦~~ <2007年8月15日>
我同小龍龍個wedding website面世喇~~ 其實都整好一排, 不過想遲少少先share出黎. 而家離婚期仲有一個多月, 都要同大家正式宣佈喇~~
各位有時間就去睇下啦~~
